Н.Ә. Назарбаев өзінің «Болашаққа бағдар: рухани жаңғыру» атты бағдарламалық мақаласында бастамасы «Қазақстан-2050» стратегиясында орын алған латын әліпбиіне көшу жөнінде айтып өткен. Ол құжатта Елбасымыз 2025 жылға латын графикасына көшіруді қолға алу қажеттігін айқындаған. Бүгінгі таңда осы бағытта үлкен жұмыстар жүргізіліп жатыр. Орталық қалалық кітапханада «Латын әліпбиі» атты шара өткізілді. Шара мақсаты қазақ алфавитін латын әліпбиіне көшу үрдісін, оның мемлекеттік тілдің мәртебесінің жоғарылауы және Қазақстанның басым бөлігі латын әліпбиін қолданатын әлемдік қауымдастықпен жақындасудағы рөлін талқылау және жастарға ақпарат беру болды. Шара барысында кітапханашы жастарға латын әліпбиі туралы мәлімет беріп, тарихқа да шолу жасады.

Елбасымыздың жолдауында атап өткеніндей "адам елдің басты байлығы", осы адамдардың денсаулығының жақсы, жаман болуына өздерінің іс-әрекеттерінің әсері мол. Еліміздің болашағы жастардың қолында. Сондықтанда әр жас ұрпақ өз денсаулығын ойлауы керек! Жастардың зиянды заттар туралы білімдерін тереңдету, салауатты өмір салтына және имандылыққа тәрбиелеу, маскүнемдіктің, нашақорлықтың зардаптарын айту мақсатында орталық қалалық кітапханада «Дені сау ұрпақ – ұлт болашағы» атты сұхбат-ойын өткізілді. Шара барысында қатысушылар адам денсаулығына пайдалы және зиян заттар туралы айтты. Төрт топқа бөлініп, әр кезең бойынша берілген тапсырмаларды орындады. Шара тартымды да, қызықты өтті.