Орталық қалалық кітапханада 8-наурыз халықаралық әйел-қыздар  күніне орай, «Қыз еркем, қылығымен көркем!» танымдық бағдарламасы өтті. Шараға «Сырласу» клубының мүшелері мен Тау-кен техникалық колледжінің студент қыздары қатысты.

Кітапханашы ақжаулықты әжелерді, асыл да, аяулы аналарды, ұстаздарды, ару қыздарымызды асыға күткен көктемнің алғашқы күндерімен бірге 8 наурыз Халықаралық әйелдер күнімен құттықтап, мерекенің шығу тарихына тоқталды. Апаларымыз қазақ тарихындағы аналар бейнесі туралы айтып, қазіргі таңдағы қыз бала тәрбиесіне байланысты мәселелерге тоқталды. Жас қыздарға үлгі ретінде кеңестерін беріп, қыздардың қойған сұрақтарына жауап берді. Қыздар қолдан гүл жасап, ақ тілектерін айтып, тарту етті. «Ана туралы» ән шырқалып, мақал-мәтелдер сайысы ұйымдастырылды. Шара соңында үлкен апаларымызға кітапхана атынан сыйлық тарту етілді.