Тілдер күніне  арналған «Тіл - татулық тірегі» атты полиглоттар сайысы 3517 әскери бөлім сарбаздарының қатысуымен өтті. 

Сайыс барысында қатысушылар ұжымы ұйымдастырылып, әділ – қазылар алқасы сайланды. Қатысушылардың І тобы «Тұлпар», ұраны «Жүзден жүйрік, мыңнан тұлпар» ІІ тобы «Домбыра», ұраны «Бабамның үні, бабамның тілі-домбыра». Сайыскерлер өзін – өзі таныстырып, ойын ережелерімен таныс болғаннан кейін ІҮ кезең бойынша бақтарын сынады.

І. Бәйге

ІІ. Полиглот

ІІІ. Жаңғырған салт-дәстүр

ІV. Сөз ойла, тез ойла

4 кезеңнен кейін екі топ «Ана тілі-жүрек үні» атты тақырыпта шағын мәтін жазды. Топтар дайын болғанға дейін көрермендермен ойын ойналды. Логикалық сұрақтарға жауап берді. Көрермендер қорытынды шешім дайын болғанға дейін Қазақстан еліміз жайлы қысқаша бейнероликті тамашалады.

Полиглоттар сайысының жеңімпаз тобы 3517 әскери бөлім сарбаздарынан құралған «Домбыра» тобы. Екі топта мақтау қағаздарымен марапатталды.