Әлемдегі қызықтың бәрін, қоршаған ортаны, жаратылыс сырларын табиғат ғажайыптарын, адам қолымен жасалған кереметтің бәрін кітаптан табуға болады. Кішкене ғана кітап –сандықшаға бәрі қалай сыйып кеткен деп те таңданамыз. Адамның ақылшы досына, сыйласына айналған бұл алтын қазынаны  қазіргі таңда көпшілігі бағалай бермейді. Бірақ оның қорғаушы сақшылары яғни кітапханашылар  кітапты насихаттаудан еш жалықпайды. Осыған орай, Орталық қалалық кітапханада «Ой-маржаны – кітап» атты жаңа кітаптар бойынша библио фреш өткізілді. Шараға №4 дарынды балаларға арналған  «Болашақ»  мектеп-интернатының жасөспірімдері қатысты. Элетронды кітап көрмесі арқылы қатысушыларға  Ж. Жабаевтың, Т. Молдағалиевтің, Ф. Оңғарсынованың, Байбақұлы Оразбай, Көкеев Еркін, Эра Орманова, Жүніс Әбдісаттар, т.б. ақындардың кітаптары таныстырылды. Оқушылар әр кітапты қолдарына алып, өздеріне ұнаған тақырыптары бойынша үзінді оқыды. Әріқарай  «кітап, білім» туралы викториналық сұрақтарға жауап беріп, қанатты сөздер мен мақал-мәтелдер де айтты.