Орталық қалалық кітапхана Елбасымыздың «Рухани жаңғыру» бағдарламалық мақала аясында "Кітапхана – жалынды жастар орталығы" жобасын жасады. Бұл жоба студенттердің, жастардың бос уақыттарын тиімді өткізуін қамтамасыз етеді. Жоба патриоттық тәрбие беруді, жас ұрпақтың азаматтық қоғамын қалыптастыруды, егде жастағы адамдарды құрметтеуді және ұрпақтардың сабақтастығын сақтауды көздейді.

Халқымыз "Ақыл жастан, асыл тастан" деп жастар бойындағы бұлқынған қуатты күшті саралай біліп, оларды алып күш иесі ретінде санаған. Еліміздегі жас буын өкілдері мемлекетіміздің жаңа келбетін қалыптастырады.

Тек бізде ғана емес, әлем жұртшылығы жастардың алып күш иесі екендігін мойындап, олармен санасады. Сондықтан орталық қалалық кітапхана ұжымы жастарға арналған ауқымды жобалар мен клуб жұмыстарын жүргізуде. Кітапханамызға келген жастар бос уақыттарын мәнді өткізіп, рухани демалып қайтулары үшін біз қолымыздан келген жақсылықтардың бәрін жасаймыз.