Қазақ ақыны, ағартушы Сұлтанмахмұт Торайғыровтың шығармалары «Бір ел – бір кітап» Республикалық акциясы аясында жалпыхалықтық оқуға 2017 жылғы «Жыл кітабы» ретінде таңдалды. Осыған орай, орталық қалалық кітапхана ұжымы мен барлық ауыл, кент кітапханашыларының қатысуымен  «Дәуір туғызған ақын» атты презентация кеші өтті.

Шараны кітапхана басшысы Роза Койкеновна ашып, «Бір ел – бір кітап» акциясының тарихына тоқталды және Сұлтанмахмұт Торайғыров шығармаларын кеңінен насихаттауды ұсынды.  Әдіскер Алия Курмангалиевна Ақынның өмір жолына тоқталса, көпшілікпен жұмыс жүргізу секторының кітапханашысы Индира Шералиевна «Ақын есімі – ел есінде» атты баяндамасында ақын өлеңдерінің тәрбиелік мәні жайлы айтып өтті. Әріқарай барлық кітапханашылар өз ойларын ортаға салып, ақын өлеңдерін оқыды. Арнайы кітап көрмесі қойылды. Баршаңызды Сұлтанмахмұт шығармаларын оқуға шақырамыз!