Степногорск қ. 3517 әскери бөліміне Отан алдындағы борышын өтеуге жаңадан келген сарбаздар алғаш рет орталық қалалық кітапханаға келді. Сарбаздар кітапхана бөлімдеріне экскурсия жасап, «Бір ел – бір кітап» акциясы аясында Дулат Бабатайұлына арналған кітап көрмесіне тоқталды.  Жас сарбаз Жүсіпов Қайсар Дулаттың «Қайғылыны уаттым» өлеңін көпшілікке оқып берді. Әрі қарай Тәуелсіздіктің 25 жылдығына арналған «Қазақстан туралы не білесің?» атты викторина жүргізілді.Сарбаздар «Жұлдыздар» және «Алғырлар» болып екі топқа бөлініп, 4 кезеңнен тұратын викториналық сұрақтартарға жауап беріп, білімдері мен зеректіктерін көрсете білді.

Оқырмандардың танымдылық қабілеттерін дамыту мен Отанға деген сүйіспеншіліктерін арттыру және туған елінің тарихын терең білуге баулу мақсатында өткен шара тартымды да қызықты өтті.