Орталық қалалық кітапханада 1 наурыз «Алғыс айту» күніне орай, №4 «Болашақ» мектебінің 9-10 сынып оқушыларының қатысуымен «Біз тату елдің ұрпағымыз» атты диолог кеші өткізілді. Шара барысында кітапханашы бұл датаның маңыздылығына ерекше тоқталды, видео слайдтар көрсетілді. 

Қатысушылар бүгінгі күннің ұрпақтары мен өткен күннің ұрпақтарын салыстыра ой қозғады. Ел тарихы жайлы сөзжұмбақ құрастырып, викториналық сұрақтарға жауап берді. «Болашақ Қазақстанның ұрпақтары» тақырыбында өздері армандаған болашақ Қазақстанды бейнеледі. Алғыс айту күнін мерекелеудің жаңа дәстүрі «Мәңгілік Ел» бірлігін ортақ тарих және тарихи сана негізінде нығайту мен дамытудың мән-мәтінінде қазақстандық құндылықтарды бейнелейтіні туралы айтылды.