Орталық қалалық кітапхана «Бала тілі – бал» бағдарламасының кезекті түсірілімін назарларыңызға ұсынады.  

«Әрбір бала - бір жұлдыз»  тақырыбымен «Бала тілі – бал» бағдарламасы өткізілді. Әр бала – керемет рухани күш иесі. Ол шетсіз-шексіздікті танып білуге ұмтылады. Балаға сеніммен қарау оны қуаттандыра түседі. Бұл шараның ерекшелігі: «Отбасы – тұлға қалыптастырушы бесік»  ретінде ата – аналармен бірлесе отырып өткізілді. Бала бойына адамгершілік қасиет пен білім нәрін, тәрбие негізін  бірлесе отырып сіңірсек қана сол бір мол жеміске жетеміз. Қазақта «Жұлдызың – жоғары болсын» деген бата – тілек бар. Ендеше, ұрпағымыздың шоқ жұлдыздай жарқырап көріне беруіне тілек білдірейік.