Күллі Қазақстан халқының қуанышына айналған мемлекеттік мереке – Астана күні қашанда өрлік пен өрістеудің, жасампаздықтың символы болып қала бермек. Осындай, атаулы күнге орай орталық қалалық кітапхана «Әсем қала – Астана» атты шара өткізді. Сіздердің назарларыңызға кітапхана оқырмандарының өлеңдерін ұсынамыз.

5 шілде күні орталық қалалық кітапханада ақын, ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер, либералды білімді исламға таяна отырып, орыс және еуропа мәдениетімен жақындасу арқылы қазақ мәдениетін жаңартуды көздеген реформатор Абай Құнанбаевты еске алу кеші өтті.