Қазақстан халқы тілдерінің күні Қазақстандағы барлық этностарды жақындастыратын ерекше күн. Өйткені бұл күндері барлық өңірлердегі этномәдени бірлестіктер ана тіліне арналған әдеби кештер, концерттер ұйымдастырады. Бір шаңырақ астында бас қосып, мәдениеттер үндестігіне ат салысады. Соңғы жылдардағы достастық елдеріндегі ұлттардың сана-сезімінің күрт өсуі және тілге деген қажеттіліктің артуы оның рухани байлығын жете меңгерудің қажеттілігін туындатып отыр.  Тәуелсіздігіміздің 25 жылдығы қарсаңында орталық қалалық кітапхана қала жастарымен  «Тіл тазалығы – ұлт қасиетінің белгісі» атты құқықтық білім сағатын өткізді. Бұл атаулы күн елімізде тұрып жатқан барша Қазақстан халықтарының игілігіне арналады. Тақырып төңірегінде видео-презентация көрсетіліп, тіл туралы ақын өлеңдерінен оқылды.Тілтуралы заң бойынша мәлімет берілді. Қатысушылар арнай қойылған кітап көрмесімен танысып шықты.