Орталық қалалық кітапхана Жастарды Қазақстандықтардың ерліктерімен таныстырып, ой-өрісін дамыту, патриоттыққа тәрбиелеу мақсатында 9-мамыр Жеңіс күніне арналған «Тарихтан тағылым» тақырыпта тәрбиелік, танымдық маңызы зор тарихи кеш болып өтті. Шараға Тау-кен техникалық колледжінің 1-курс студенттері қатысты.

Шара барысында кітапханашы әлемді дүр сілкіндірген екінші дүниежүзілік соғыстың қасіреті мен Ұлы Жеңістің қасиетін, батыр ағаларымыз бен апаларымыздың ерлігі жайында мәлімет берді. Студенттер Жеңіс күніне арналған өлең шумақтарын оқыды.

Шара соңында кеш көрермендерінетақырыпқа сай жасақталған «Халқымыздың өшпес ерлігі» атты кітап көрмесіне библиографиялық шолу жасалынып, "Қазақстандықтар Ұлы Отан соғысында" атты видеоролик назарларына ұсынылды.