Үлкенді сыйлау, оларға құрмет көрсету ата - бабадан келе жатқан салтымыз. Қариялардың өмірлік тәжірибелері мен ақыл - кеңестері, тәлім - тағылымдарының біз үшін орны бөлек. Себебі, әрқайсыларының еліміздің өсіп - өркендеуіне қосқан үлестері мен еңбектері ерен. Талай жасты тәрбиелеп, ізбасарларын өсірді.

Бүгін, еңбектерінің зейнетін көріп отырған - Жұмабаев Серік Жұмабайұлы, Долгополов Петр Ульянович, қарттар күніне орай, орталық қалалық кітапханада өткен «Славим возраст золотой» атты кездесу кешіне қатысты.

Сондай-ақ, шараға қатысқан тау-кен техникалық колледжінің студенттері өлеңдер оқып, №5 КМЛ  7 сынып оқушылары Амангелді Темірлан, Ғабдуллин Мади ән шырқады, қалалық музыка мектебінің қатысушылары  Гваджая Вероника, Саткен Назира ән салып, Сағайқызы Дильназ домбырамен күй шертті. Серік Жұмабайұлы, Петр Ульянович студенттер қойған сұрақтарға жауап беріп, өздерінің еңбек жолы туралы айтып берді. Студенттер қарияларымызға тілектерін айтса, қарияларымыз жастарға өсиеттерін айтты.