Зияткерлік ойын арқылы оқушыларды адамгершілікке Отанын сүюге, оны қорғауға баулу, оларға патриоттық тәрбие беру, Ұлы Отан соғысымен, қазақстандықтардың ерлік істерімен таныстырып, ой- өрісін дамыту, елін, жерін қорғауға бейбітшілікті нығайтуға тәрбиелеу мақсатында «Мәңгілік ел мекені» атты «Не? Қайда? Қашан?» зияткерлік клубының финалдық ойыны өткізілді. Ойынға жартылай финалдан жолдама алған №9 орта мектеп, №5 КМЛ оқушыларынан, тау-кен техникалық колледжі, құрылыс техникалық колледжі, «Болашақ» мектеп-интернатының оқушыларынан құралған командалар өзара сайысқа түсті. Қатысушылар бар білімдерін ортаға салды. 
2015, 2016 жылдары ойынның кубогын №5 КМЛ командасы жеңіп алған болатын. 2017 жылдың жеңімпаз тобы Тау-кен техникалық колледжінің командасы. Ойын шарты бойынша ауыспалы кубокты №5 КМЛ командасының топ басшысы Нұржанов Жандос ТКТК командасына табыстады. Финалға жеткен барлық командалар дипломдармен марапатталды.