Тәуелсіздіктің 25 жылдығына орай орталық қалалық кітапхана алғаш рет «Білгірлер бәйгесі» танымдық бағдарламасын ұйымдастырған болатын. 
Бәйгенің екінші қатысушылары  «мамандандырылған күзет қызметі басқармасының» қызметкерлерінен құралған «Арлан» тобы және  «Жігіттер» тобы.

Ойынның жүру барысын бақылап, сайыскерлерге әділ бағасын берген әділқазылар: «ОКЖ» ММ басшысы  –  Мұхамадиева Роза Койкеновна, «Мамандандырылған күзет қызметі басқармасының» командирі – Нұртаев Талғат Салимович.

       Ойынды бастау үшін топ басшылары "Қанпалапай" ойнады. Жеңген «Арлан» тобы ойынды бастады.

Бес кезеңнен тұрған бәсекеде екі топта өз білімдерін көрсетті. Әділқазылар ұпай сандарын қорытындылап, нәтижесінде «Арлан» тобы 1 орын, «Жігіттер» тобы 2 орынды иеленді. Топтарға мақтау қағазы мен естелік кітап сыйға берілді. Шара соңында жастар арнайы Тәуелсіздіктің 25 жылдығына қойылған кітап көрмесімен танысты және видео тамашалады.