Тұғыры биік таланттар жайлы сөз айтуға талпынсақ – олардың азаматтық қызметінің кең ауқымдылығымен бетпе-бет келетініміз хақ.

ХХ ғасырдың 60-жылдарынан қазақ прозасының дамуына өз үлесін қосқан қаламгерлер қатарында ерекше орыны бар жазушылар – Естай Мырзахметов, Кәкімбек Салықов, Шота Уәлиханов. Жергілікті ақын-жазушылардың өмірі мен шығармашылығын жастарға таныстырып, туған жеріне деген сүйіспеншілігін артыру мақсатында «Туған өлке қаламгерлері» атты шара өтті. Шараға №5 КМЛ жоғарғы сынып оқушылары қатысты. Шара барысында балалар Естай Мырзахметов, Кәкімбек Салықов, Шота Уәлихановтың өмір жолы және шығармашылық еңбектерімен танысып, бейне көрсетілім тамашалады. Кәкімбек Салықовтың сөзіне жазылған «Әдемі-ау», «Жезкиік» әндерін хормен орындады. Кітапханашы  арнайы қойылған кітап көрмесіне шолу жасады. Балалар кітап және журналдардан жазушылардың өлеңдерінен, әңгімелерінен үзінділер оқыды.