Елбасының «Болашаққа бағдар: рухани жаңғыру» мақаласы аясындағы «Туған жер» бағдарламасы бойынша орталық қалалық кітапхана «Мамандықтың бәрі жақсы, қалауыңша таңдап ал» тақырыбында әдеби монтаж Тау-кен техникалық колледжінің студенттерінің қатысуымен өткізілді.

Шараның басты қонағы «Ұлттық биотехнология орталығының» директоры Балпанов Дархан Серікұлы.  Шара барысында мақалада көтерілген маңызды мәселелер: «Қазақстанның 100 жаңа есімі» жобасы, білім, латын әліпбиіне көшу жайы, «Туған жер» бағдарламасы туралы айтылып, талқыланды. Дархан Серікұлы «Туған жер» бағдарламасына кеңінен тоқталып, Степногорск қ. атқарылып жұмыстар жайлы мәлімет беріп, академик Қаныш Сәтбаевқа арналған презентациясымен таныстырды. Жастарды оқу-білімге, жерін сүйіп, елін қорғауға шақырды.