Тәуелсіздіктің 25 жылдығына арналған 
«Ұлы дала елі – мәңгілік ел» әдеби дилижанс.

Тәуелсіздігіміздің 25 жылдығына арналған «Ұлы дала елі – мәңгілік ел» атты әдеби дилижанс 3517 әскери бөлімінің сарбаздарының қатысуымен өтті. Шара барысында кітапханашы қазақ елінің тарихынан бастап, желтоқсан оқиғасы және оның құрбандары жайлы айтып өтті.
Әрі қарай қатысушылар ойын арқылы ұлы дала еліне саяхат жасады. Экраннан 6 тақырып: «Тарих» бекеті, «Тау мен дала немесе табиғат» бекеті, «Әдебиет» бекеті, «Ән-күй» бекеті, «Салт-дәстүр» бекеті, «География» бекеті көрсетілді. Әр тақырып бойынша сұрақтар берілді. Қатысушылар сұрақтарға жылдам әрі нақты жауап беріп, өз білімдерін көрсетті.