Орталық қалалық кітапхана М.Әуезовтың «Еңлік-Кебек» пьесасына 100 жыл толуына орай «Еңлік-кебек» пьесасымен таныстыру, талдау мақсатында «Мұхтар қаламынан туған туынды» атты шара өткізді. Шараға қаланың колледж студенттері мен оқушылар қатысты. Кітапханашы жастарды пьесаның жазылу тарихымен таныстырып, қысқаша мазмұнымен, кейіпкерлерімен таныстырып өтті. «Ғажайып туынды» атты бейне сюжет тамашалады. Еңлік-Кебек (пьесасы) - Мұхтар Омарханұлы Әуезовтың трагедия жанрында жазған шығармасы. Шығарма 1922 жылы жазылды және 1943 жылы жаңа нұсқасымен жарық көрді. Еңлік Кебек пьесасын жазған кезде М.Әуезов 21 жаста болған.
Қатысушылар екі топқа бөлініп, Еңлік, Кебек образдарын сипаттайды. Шығарманың сюжеттік- композициялық құрылымын жасап, қысқаша әңгімеледі. Еңлік-Кебек пьесасының толық нұсқасын оқып және екінші суретті шағын көрініс ретінде қойды.