Орталық қалалық кітапханада «Сырласу» әйелдер клубы жұмысын жүргізіп келеді. Клуб - зейнеткерлердің бос уақытын тиімді өткізу, рухани қарым – қатынас жасауға жағдай туғызу, ақпараттық ортада клуб мүшелерінің ой – өрісін кеңейту, үлкендердің ақыл-кеңес, тәрбиесі арқылы жастардың ұлттық мәдениетінің, білімінің рухани дамуына жағдай жасауға, жастар арасында адамгершілік, еңбек пен тәрбие тақырыптарында жұмыстар жүргізуге ықпал ету мақсатында құрылған.

Биылғы жыл клубтың алғашқы отырысы «Менің аспаздық жетістіктерім» тақырыбында өтті. «Рухани жаңғыру» бағдарламасы аясында клуб мүшелері қазақтың ұмыт болып бара жатқан және бұрыннан қазіргі күнге дейін сақталғын ұлттық тағамдар жайлы әңгіме қозғады. Кітапханашы Темирбулатова Ырысжан қазақтың ұлттық тағамдары туралы кітаптарға шолу жасады. Шара ұлттық әндермен жалғасын тапты.