Орталық қалалық кітапханада «Жас журналист» клубы аясында 8-наурыз Халықаралық әйел-қыздар мерекесіне арналған «Сыйынар ем ана деген тәңірге» атты кездесу кеші өтті. 
Кешіміздің басты қонағы қазақ тілі, қазақ әдебиеті пәндерінің жоғарғы санатты мұғалімі, қазақ тілі, қазақ әдебиеті бойынша ҚР мұғалімдер арасында өткен тұңғыш олимпияда жүлдегері, ҚР білім беру ісінің үздігі, №5 КМЛ пәндер бойынша талай жұлдыздарға білім берген Киршимова Алима Кұрмашқызы.

Ұстаз - ақылмен түйсініп, жүрекпен сезінетін пайым - парасатымен, талғам - танымымен танылатын асыл жандар, интелектуалдық әлеуеті мықты, эрудициясы жоғары, сөзі маржан, үні ән ұлағатты ұстаз! 

Шара барысында Алима Құрмашқызы оқушылармен сұхбаттасып, оқушылар қойған сұрақтарға жауап берді. Сондай-ақ қатысушыларды ақындардың өлеңдерімен сусындатты. Өзінің шығармашылығынан да өлеңдер оқып берді. Кітапханашы арнайы қойылған кітап көрмесімен таныстырды.