Оқырмандар арасында поэзияға деген сүйіспеншілігін арттыру және патриоттық сезімдерін қалыптастыру мақсатында орталық қалалық кітапханада көрнекті жазушы, ақын, публицист, қазақ әдебиетінің негізін қалаушылардың бірі М. .Жұмабаевтың 125 жылдығына арналған «Поэзия әлемінің сәулесі» атты поэтикалық көңіл-күй кеші өтті.
Мағжан өз тегін, өз жерін мадақтаумен өткен, өмірдегі азаматтық орнын ақтауға ұмтылған, өлең сөздің асыл маржанын төгілткен, сұлу жырымен оқырманын егілткен. Мағжан Жұмабаевтың шығармашылығында мұңлы толғаныс, өкіну, қайғы – қасірет, күйініш те бар.
Кешке «Болашақ» мектебінің, №5 КМЛ оқушылары қатысып, Мағжан Жұмабаевтың өлеңдерін оқыды. Мағжан өмірінен сыр шертетін фильм тамашалап, әндері орындалды.
Кешке жиналған қонақтар «Сәулесі мәңгі сөнбес жұлдыз» атты кітап көрмесімен танысты.