Биыл халқымыздың дара ұстазы, ағартушы-педагогы, жазушы, этнограф, фольклоршы, қоғам қайраткері Ыбырай Алтынсаринге 175 жыл толып отыр. 
Осыған орай орталық қалалық кітапханада Ыбырайдың өмір жолы мен шығармашылығына арналған «Даланың дара ұстазы» атты  Не? Қайда? Қашан? зияткерлік ойынының І маусымдық ойыны өтті.

Сайысқа қатысушылар №5 КМЛ, №9 орта мектебі, дарынды балаларға арналған «Болашақ» мектебінің жоғарғы сынып оқушылары және Тау-кен техникалық колледжі мен №2 құрылыс-техникалық колледжінің студенттерінен құралған командалар өзара сайысқа түсті.  Командалар өз білімдері мен дарындарын жоғарғы деңгейде көрсетіп, Ы. Алтынсаринге арналған кітаптарды оқығандықтарын байқатты.

Өйткені ойынның сұрақтарының барлығы Ыбырай Алтынсариннің өмірі мен шығармашылығына арналған 1965 жылы «Қазақстан» баспасынан шыққан Ә. Дербісәлиннің және Д. Әшімханұлының  2003 жылы «Таным» баспасынан шыққан Ыбырай Алтынсариннің «Бір уыс мақта» әңгімелер жинағынан алынған.  
І маусымдық ойында барлық командалар жартылай финалға өтті. Келесі ойында командалардың  бұданда жақсы нәтиже көрсететініне сенімдіміз.