«Не? Қайда? Қашан?» клубы аясында клуб мүшелерінің қатысуымен «Әлем ғажайыптары» атты викторина-іздеу өтті. Шара ақпан айында өтетін зияткерлік ойынның жартылай финалына дайындық ретінде ұйымдастырылды. Клуб мүшелері Қазақстан туралы қызықты деректер, Қазақстанның физикалық-географиялық жағдайынан мәліметтер алып, әсем табиғатына, қалаларына саяхат жасады. «Қазақстан таулары», «Қорықтар», «Қызықты деректер» атты бейне көрсетілімдерді тамашалады. Әр командаға Қазақстан географиясы бойынша викториналық сұрақтар берілді, қатысушылар кітаптар мен журналдардан іздеу арқылы сұрақтарға жауап берді. Шараға қатысқан №9 орта мектептің, №5 КМЛ, Тау-кен техникалық колледжінің, №2 құрылыс-техникалық колледжінің командалары өз танымдылықтары мен білімдерін көрсетті. Барлық командаларды ақпан айында өтетін жартылай финалға үлкен дайындықпен келеді деген сенімдеміз.