Еңбек күніне орай «Еңбек – көркем әдебиетте» атты қызықты кітаптар кеші орталық қалалық кітапханада ұйымдастырылды. Шараға №4 дарынды балаларға арналған мектеп-интернатының жоғарғы сынып оқушылары қатысты. Шара барысында Елбасының Жалпыға Еңбек қоғамына қарай 20 қадам бағдарламасы, әрбір мамандықтың қыр-сыры жайлы пікірлер мен ойлар айтылды. Еңбек жайлы  Ыбырай Алтынсарин «Кел балалар, оқылық». Өлең, әңгімелер мен мақал, жұмбақтар. Ерубаев Саттар. «Менің құрдастарым». Роман: С.Ерубаевтың прозасы мен очерк, көркем әңгіме мен новеллалары.  Ғ.Мүсірепов «Қазақ әйелі» Әңгімелер,  Сайын Мұратбеков «Жабайы алма» Повесть, Ғ.Мұстафин «Миллионер» романы,  Ә. Нұрпейісов «Қан мен тер» Трилогия,  Абай өлеңдер жинағы, Спандияр Көбеев еңбектері талқыланып, үзінді оқылды.

Жастар еңбек жайлы  ақындар өлеңдерінен де үзінді оқып, өлең идеясын айтып өтті.

Еңбек жайлы шығармалар жастардың таңдауларына көп көмегін тигізеді.

Қазақ жазушыларымыз жазған көркем әдебиеттерді оқып шықса, шын бақыттың, рахаттың қажырлы еңбекпен келетінін түсінеді. Сондықтан да қатысушыларға арнайы қойылған кітап көрмесі де ұсынылды. Көрмеге қойылған кітаптар мен журналдарға шолу жасалды.