Орталық қалалық кітапханада тау-кен техникалық колледжі «Іс қағаздарын жүргізу» бөлімінің  2 курс студенттері қонақта болып, сирек және құнды кітаптар залымен танысты. Онда қойылған құнды әдебиеттер «Қазақтың 1000 күйі», көне кітаптар, Д.Қонаевтың 100 жылдығына арналған «Дінмұхамед Қонаев» кітабы, кішкентай және үлкен форматтағы көне кітаптарды тамашалады. Студенттерге әсіресе «Даналық әліппесі» инновациялық сөйлейтін қалам ұнады, ондағы нақыл сөздерді тыңдады.

Сонымен қатар,  елімізде өтіп жатқан дүбірлі дода  - Универсиада, Қазақстан спортшылары туралы толық мәлімет беру, жастардың спортқа деген қызығушылықтарын ояту мақсатында өткізілген «Болашақ жеңістердің іргетасы» атты ақпарат сағатына қатысты. Кітапханашы 28 Қысқы Универсиада тарихы, Алматы қаласында өтіп жатқан студенттік спорт ойындары, Қазақстан спортшыларының жетістіктері  туралы толық мәлімет берді. Студенттер 28 Қысқы Универсиаданың салтанатты ашылуын тамашалады. Кітапханашы кітап көрмесінде қойылған әдебиеттерге шолу жасады.