1-қыркүйек білім күніне арналған «Білімнің мініп тұлпарын» атты

пікірталас сағаты №9 орта мектептің жоғарғы сынып оқушыларының қатысуымен өтті.

 «Білімнің мініп тұлпарын, Биікке құлаш ұрамын!» - деген жастар, «Білім дегеніміз – күш, Күш дегеніміз – білім. Білімдіден шыққан сөз - дүниені нұрға бөлейді. Білім ақылмен ұштаспаса, төңірегін қараңғылата түседі. Өмірмен жанасқан білім – бұл өлшеусіз байлық» - екенін айтып өтті.

Шара барысында Жүсіп Баласұғынның «Құтты білік» дастанынан үзінді, М.Шахановтың «Отарар кітапханасы», Өтебай Тұрманжановтың «Білім» өлеңі оқылды.

Қазіргі таңда қоғамдағы және мемлекетімізді алаңдатып отырған күрделі мәселелердің бірі – тіл мәселесі мен білім алу кең ауқымда талқыға түсті.

Кітапханашы арнайы қойылған кітап көрмесіне шолу жасап, Ұлы тұлғалардың еңбектерін таныстырып өтті. Данышпан Абай атамыз: «Мал да, дәулет те – оқу­да», - деп, ел болашағы – жастардың келешегін біліммен байланыстырған. Дүниенің кілті білімде екендігін кезінде Алаш жұртының қамы үшін күн күлмей, түн ұйықтамай қызмет еткен Ахмет, Мағжан, Шәкәрім тәрізді ұлт зиялы­ла­ры да туындыларының өзекті мәселелері ретінде көрсеткен. Қараңғы қазақ көгіне өрмелеп шығып күн болуды армандаған Сұлтанмахмұт қазақ жастарының рухани жан дүниесіне серпін беруге ұмтылғаны да айтылды.

Әлемдік жаһандану кезе­ңінде алпауыт елдерге жұтылып, жойылмаудың бірден-бір жолы – ұлтық салт-дәстүрлері­мізді бойына жинаған, білімді де білікті жастарды тәрбиелеу. Ол үшін тәрбиені отбасынан бастау қажет. Ұлттық музыканың да ұрпақ тәрбиесінде алар орны орасан. Жалпы, бала жас­тайынан өз ана тілінде білім алып, ғылымды да ана тілінде пайымдауы қажет. Мемлекет­тің қуаттылығы – адамдарының санында емес, сапасында. Бұл жердегі сапа – олардың білімі, біліктілігі, жаңа технологияларды ойлап таба біле­тіндей қабілет, қарымдылығы. Бізге ең қажеттісі – ұрпаққа бұл өмірде білімсіз өмірдің мәнсіздігін ұғындыру.