Тәуелсіздіктің 25 жылдығына орай орталық қалалық кітапхана алғаш рет «Білгірлер бәйгесі» танымдық бағдарламасын ұйымдастырды.

Бәйгенің алғашқы қатысушылары 3517 әскери бөлімінің жас сарбаздарынан құралған «Ұлттық Ұлан» тобы және «Бөгенбай батыр» атындағы спорт мектебінің жоғарғы сынып оқушыларынан құралған «Батырлар» тобы.

Ойынның жүру барысын бақылап, сайыскерлерге әділ бағасын берген әділқазылар: «ОКЖ» ММ басшысы  –  Мұхамадиева Роза Койкеновна,

Степногорск қ. «Жастар ресурстық орталығының» әдіскері – Зарина Кайратовна, «ОКЖ» ММ әдіскері – Гүлнар Ниетовна.

 Ойынды бастау үшін топ басшылары "Қанпалапай" ойнады. Жеңген «Ұлттық Ұлан» тобы ойынды бастады.

 Бәсеке бірнеше бөлімнен тұрды: «Таңдаулы тақырыптар»,  «Тұлғадан сұрақ», «Қисыны қандай», «Жекпе – жек», «Салт – дәстүр».

«Жекпе-жек» кезеңінен басқа кезеңдерде ойлану уақытына 30 секунд берілді.

Әділқазылар ұпай сандарын қорытындылап, нәтижесінде «Батырлар» тобы 1 орын, «Ұлттық Ұлан» тобы 2 орынды иеленді. Топтарға мақтау қағазы мен естелік кітап сыйға берілді. Шара соңында жастар өз өнерлерін көрсетіп, ән шырқап, арнайы Тәуелсіздіктің 25 жылдығына қойылған кітап көрмесімен танысты.