«Рухани жаңғыру» бағдарламасы аясында ауыл мәртебесін көтеру мақсатында орталық қалалық кітапхана «Ауыл күндерін» ұйымдастыруда. 19 маусым күні «Сағындырған туған жер» атты «Бөгенбай ауылы күні» өтті. Кітапхананың екінші қабатында ауыл естеліктерінен қол өнер көрмесі, «Ауылым алтын бесігім» атты кітап көрмесі қойылды.

Шараны Бөгенбай ауылына еңбегі сіңген бұрынғы басшылар, тұрғындар, Германиядан келген қонақтар қатысып, Степногорск қ. еңбек және соғыс ардагерлер кеңесінің басшысы Есжанова Фарида Буташевна шараны ашып берді. «ОКЖ» КММ басшысы Мұхамадиева Роза Койкеновна шараның ұйымдастырылу мақсатын айтып, келген қонақтарға алғыс білдірді. Қонақтар Құрбанбаев Арланның ән шашуын және Бөгенбай ауылының құрметті азаматы Алгожин Қазбек Боранбайұлы дайындаған ауыл тарихының естеліктерін тыңдады.

$IMAGE1$

Бөгенбай ауылына көп жыл еңбек сіңірген, ауылдың бұрынғы әкімі, Талғат Бегельдинов медалінің иегері Шайкин Бейсенбай Баязитович, Канкеновтар отбасы, Германиядан келген қонақтар сөз сөйлеп, туған жеріне деген ыстық ықыластарын білдірді. Қазіргі таңда Бөгенбай ауылының өркендеуіне үлес қосып, Бөгенбай батырдың 80 жылдығына стелла тұрғызған Пчелков Игорь Андреевич, Бөгенбай мектебін 15 жыл басқарған Шатаева Шолпан Талгатбековна шарамызға қатысып тілектерін білдірді. Ауыл тұрғындары арасынан Идрисова Анардың ән айтып, Жакен Айбек «Мен қазақпын» өлеңін оқыды. Кимешек киген әжелер шашу шашып, қымыз құйып шараның сәнін келтірді.