Жастарды Қазақстанның тарихи мұраларымен таныстыру, мәдениетке деген қызығушылығын арттырып, тәрбиелеу мақсатында «Не? Қайда? Қашан?» зияткерлік клуб аясында «Қазақстанның жеті кереметі» атты ойын-саяхат өткізілді. 
Клубқа қатысушы командалар өздеріне берілген Қазақстанның жеті кереметінің біреуі туралы толық мағлұмат берді. Ол үшін әр топтан шыққан бала қоржыннан бір асықты суырып алып, нешінші сан екенін айтып, үстелде тұрған жеті кереметтің қайсысы туралы айтатынын хабарлады. Екінші тапсырмада әр топ таныстырған жеті кереметтің бірі туралы электронды каталог арқылы әдебиеттер тізімін жасап, мәліметтер жинады. Электронды сұрақтарға жауап беріп, бейне сюжет тамашалады.